«Рома» ҳужумчи Дониэлл Маленнинг трансфер ҳуқуқини тўлиқ сотиб олиб, уни жамоада қолдиришни режалаштирмоқда. Бу ҳақда «Voetbal International» нашри хабар бермоқда.
Мален шу йилнинг январь ойида «Астон Вилла»дан ижарага олинган эди. У Серия А доирасидаги 14 та учрашувда 11 та гол уришга муваффақ бўлди ва қисқа вақт ичида жамоанинг энг яхши тўпурарига айланди.
Рим клуби раҳбарияти агар кутилмаган вазиятлар юзага келмаса, 27 ёшли футболчининг шартномасидаги сотиб олиш бандини фаоллаштириш ниятида. Нидерландиялик ҳужумчининг трансфери «Рома»га 25 миллион еврога тушиши айтилмоқда.
