«Манчестер Юнайтед» тарбияланувчиси ва ярим ҳимоячиси Кобби Майну болалигида «қизил иблислар»нинг қайси футболчисига ҳавас қилгани ҳақидаги саволга жавоб берди.

— Жамоанинг сен сотиб олган илк либосида кимнинг исми ёзилган эди?

— Руни. Мен улғаяётган вақтда у «Юнайтед»нинг асосий юлдузи эди. Ўша пайтларда бошқа бировнинг исми туширилган либосни кийиб юрган одамни учратмаган бўлсам керак.

— Агар ҳозир бола бўлганингда, либосингга кимнинг исмини ёздирган бўлардинг?

— Эҳтимол, Бруну Фернандеш ёки Амад Диалло. Ёшлигимда менга шундай ўйин услуби ёқарди. Бруну — ажойиб футболчи, у клуб учун жуда кўп иш қилди. У анчадан бери жамоамизда тўп сурмоқда ва бу мавсумда ҳам жуда яхши ўйин кўрсатяпти, — деди Майну GQ нашрига берган интервьюсида.