«Manchester Yunayted» tarbiyalanuvchisi va yarim himoyachisi Kobbi Maynu bolaligida «qizil iblislar»ning qaysi futbolchisiga havas qilgani haqidagi savolga javob berdi.

— Jamoaning sen sotib olgan ilk libosida kimning ismi yozilgan edi?

— Runi. Men ulg‘ayayotgan vaqtda u «Yunayted»ning asosiy yulduzi edi. O‘sha paytlarda boshqa birovning ismi tushirilgan libosni kiyib yurgan odamni uchratmagan bo‘lsam kerak.

— Agar hozir bola bo‘lganingda, libosingga kimning ismini yozdirgan bo‘larding?

— Ehtimol, Brunu Fernandesh yoki Amad Diallo. Yoshligimda menga shunday o‘yin uslubi yoqardi. Brunu — ajoyib futbolchi, u klub uchun juda ko‘p ish qildi. U anchadan beri jamoamizda to‘p surmoqda va bu mavsumda ham juda yaxshi o‘yin ko‘rsatyapti, — dedi Maynu GQ nashriga bergan intervyusida.