«Манчестер Юнайтед» бош мураббийи Майкл Кэррик жамоа ярим ҳимоячиси Кобби Майну билан шартнома узайтирилгани ҳақида фикр билдирди.
«Умид қиламанки, у бу ерда узоқ вақт қолади ва совринларни қўлга киритадиган муваффақиятли жамоанинг бир қисми бўлади. Мақсад айнан шундай бўлиши керак. Бу осон бўлмайди, лекин қийинчилик ҳам шунда. Кобби олдинга интилишда ва ўз устида ишлашда давом этиши керак. «МЮ» энг нуфузли совринлар учун курашишни истайди», — дея Кэррикнинг сўзларини келтиради «Манчестер Юнайтед» расмий сайти.
«МЮ» пайшанба куни, 30 апрель соатида, Майну билан 2031 йилгача мўлжалланган беш йиллик шартнома имзоланганини эълон қилган эди.
Жорий мавсумда Майну клуб сафида барча турнирларда 26 та ўйинда майдонга тушиб, учта голли узатмани амалга оширди. Transfermarkt сайти маълумотларига кўра, футболчининг бозор қиймати 50 миллион еврони ташкил этади.
