«Manchester Yunayted» bosh murabbiyi Maykl Kerrik jamoa yarim himoyachisi Kobbi Maynu bilan shartnoma uzaytirilgani haqida fikr bildirdi.
«Umid qilamanki, u bu yerda uzoq vaqt qoladi va sovrinlarni qo‘lga kiritadigan muvaffaqiyatli jamoaning bir qismi bo‘ladi. Maqsad aynan shunday bo‘lishi kerak. Bu oson bo‘lmaydi, lekin qiyinchilik ham shunda. Kobbi oldinga intilishda va o‘z ustida ishlashda davom etishi kerak. «MYU» eng nufuzli sovrinlar uchun kurashishni istaydi», — deya Kerrikning so‘zlarini keltiradi «Manchester Yunayted» rasmiy sayti.
«MYU» payshanba kuni, 30 aprel soatida, Maynu bilan 2031 yilgacha mo‘ljallangan besh yillik shartnoma imzolanganini e’lon qilgan edi.
Joriy mavsumda Maynu klub safida barcha turnirlarda 26 ta o‘yinda maydonga tushib, uchta golli uzatmani amalga oshirdi. Transfermarkt sayti ma’lumotlariga ko‘ra, futbolchining bozor qiymati 50 million yevroni tashkil etadi.
