«Пари Сен-Жермен»дан ижарага олинган «Тоттенхэм» ҳужумчиси Рандаль Коло-Муани тез орада клубини ўзгартиради. Журналист Николо Скиранинг хабар беришича, 27 ёшли футболчи мавсум якунланганидан кейин «шпорлар» сафида аниқ қолмайди. Шу билан бирга, «ПСЖ» ҳам франциялик ҳужумчига ишонч билдирмаяпти.
Ўйинчи Луис Энрикенинг режаларига кирмайди ва сотувга қўйилади. Ҳужумчи тахминан 40 миллион еврога баҳоланмоқда.
Рандаль Коло-Муани жорий мавсумда «Тоттенхэм» сафида 37 та ўйинда майдонга тушиб, 5 та гол ва 4 та голли узатмани ўз ҳисобига ёздириб қўйди. Футболчининг «ПСЖ» билан амалдаги шартномаси 2028 йилгача мўлжалланган.
