«Pari Sen-Jermen»dan ijaraga olingan «Tottenxem» hujumchisi Randal Kolo-Muani tez orada klubini o‘zgartiradi. Jurnalist Nikolo Skiraning xabar berishicha, 27 yoshli futbolchi mavsum yakunlanganidan keyin «shporlar» safida aniq qolmaydi. Shu bilan birga, «PSJ» ham fransiyalik hujumchiga ishonch bildirmayapti.
O‘yinchi Luis Enrikening rejalariga kirmaydi va sotuvga qo‘yiladi. Hujumchi taxminan 40 million yevroga baholanmoqda.
Randal Kolo-Muani joriy mavsumda «Tottenxem» safida 37 ta o‘yinda maydonga tushib, 5 ta gol va 4 ta golli uzatmani o‘z hisobiga yozdirib qo‘ydi. Futbolchining «PSJ» bilan amaldagi shartnomasi 2028 yilgacha mo‘ljallangan.
