«ПСЖ» клуби ижтимоий тармоқларда янги пост қолдирди. Франция Лига 1 гранди Дэвид Бекхэмни туғилган куни билан табриклади. Шанба куни инглиз футболчиси 51 ёшни қарши олди.
«Туғилган кунинг билан, Дэвид Бекхэм!» — дейилади «ПСЖ» хабарида.
Маълумки, Бекхэм фаолиятининг сўнгги қисмини — 2013 йилнинг биринчи ярмини «ПСЖ»да ўтказган эди. Ушбу даврдан сўнг англиялик юлдуз бутсаларини михга илди. Дэвид парижликлар сафида жами 14 та ўйинда майдонга тушиб, ўз ҳисобига иккита голли узатмани ёздириб қўйган.
