«Манчестер Юнайтед» мухлисларидан бири «Ливерпуль»нинг ҳалок бўлган футболчиси Диогу Жота хотираси билан боғлиқ ташаббус билан чиқди. Ишқибоз «қизил иблислар» мухлислар бирлашмасига мурожаат қилиб, мазкур футболчи хотирасини ёдга олишга чақирди.
Эслатиб ўтамиз, Диогу Жота ўз акаси билан бирга автоҳалокат натижасида вафот этган эди. «Ливерпуль» мухлислари ҳар бир ўйиннинг 20-дақиқасида (футболчининг рақамига рамзий ишора сифатида) унинг шарафига қарсаклар чалишмоқда. Onefootball нашрининг хабар беришича, «МЮ» мухлиси икки жамоа ўртасидаги тўқнашув пайтида ҳар икки томон мухлислари буни биргаликда амалга оширишини истамоқда.
«Манчестер Юнайтед» ва «Ливерпуль» жамоалари 3 май куни ўзаро тўқнашув келишади. Ўйин Тошкент вақти билан соат 19:30 да бошланади.
