«Барселона» ҳужумчиси Ферран Торрес жамоаси билан чемпионликни тезроқ нишонлашни интиқлик билан кутмоқда. Шанба куни Ханс-Дитер Флик шогирдлари сафарда «Осасуна» устидан ғалаба қозонишди (2:1). Агар бугун Мадриднинг «Реал» клуби «Эспаньол»ни мағлуб эта олмаса, Каталония гранди муддатидан олдин чемпионликни қўлга киритади.
«Қийин ва кескин ўйин бўлди, лекин менимча, биз ўзимизни яхши кўрсата олдик. Энди «Реал» қандай ўйнашини кутамиз. Биз иложи борича тезроқ чемпион бўлишни ва муваффақиятимизни нишонлашни истаймиз. Бу тинимсиз меҳнатларимиз учун муносиб мукофот бўлади», — деди шанба кунги баҳсда гол муаллифига айланган Торрес ўйиндан кейинги интервьюсида.
«Эспаньол» — «Реал» учрашуви Тошкент вақти билан соат 00:00 да бошланади. Кейинги турда эса «қаймоқранглилар» «Камп Ноу»да «Барса»га қарши майдонга тушишади.
