Ҳуқуқлари «Ботафого» клубига тегишли бўлган 25 ёшли бразилиялик ярим ҳимоячи Данило фаолиятини Англия Премьер-лигасининг гранд клубида давом эттириши мумкин. Инсайдер Веллингтон Арруданинг хабар беришича, 25 ёшли футболчини ўз сафига қўшиб олишга «Манчестер Юнайтед» қизиқиш билдирмоқда.
«Қизил иблислар» Данилони Каземиронинг ўрнини босувчи потенциал номзод сифатида кўришмоқда. Тажрибали бразилиялик Каземиро 2025/2026 йилги мавсум якунида манкунианликлар сафини тарк этади. Ўз навбатида, «Ботафого» ярим ҳимоячининг трансферидан камида 40 миллион евро ишлаб олишни кўзламоқда.
