«Манчестер Юнайтед»нинг афсонавий собиқ ҳужумчиси Уэйн Руни Премьер-лига чемпионлик пойгасининг якуни борасида ўз прогнози билан ўртоқлашди. Шанба куни «Арсенал» «Фулхэм»ни мағлуб этди (3:0) ва «Манчестер Сити» билан орадаги фарқни 6 очкога етказди, бироқ «шаҳарликлар» ҳисобида иккита захира ўйини мавжуд.

«Менимча, «Арсенал» чемпионатда ғолиб чиқади. Буни уларнинг «Манчестер Сити»га қарши ўзаро ўйиндаги мағлубиятидан кейин ҳам ҳис қилгандим. «Арсенал»да тақвим анча қулай — улар қолган барча баҳсларда ғалаба қозонишлари тўлақонли мумкин. «Сити»га келадиган бўлсак, уларнинг очко йўқотишини, эҳтимол, бир ёки икки марта хато қилишини тасаввур қилиш қийин эмас. «Арсенал» беш очко фарқи билан ўзини ўзи нақд қилишини тахмин қиламан, лекин бу шунчаки менинг шахсий фикрим», — дея Рунининг сўзларини келтиради инглиз ОАВлари.

Душанба, 4 май куни Хосеп Гвардиола жамоаси «Эвертон»га қарши майдонга тушади.