Ҳужумчи Ромелу Лукаку катта эҳтимол билан шу ёзда «Наполи»ни тарк этади. Николо Скира берган маълумотларга кўра, форвард Жаҳон чемпионати якунланганидан кейин Неаполь клубидан кетади.
«Наполи» бельгиялик футболчининг сотувидан 10 миллион евро ишлаб олмоқчи. Туркия ва Саудия Арабистонининг баъзи жамоалари ҳужумчини ўз сафига қўшиб олишга қизиқиш билдирмоқда.
Лукакунинг «Наполи» билан шартномаси 2027 йилнинг 30 июнига қадар мўлжалланган, унинг маоши эса бир мавсум учун 8 миллион еврони ташкил этади.
Ромелу Лукаку 2024 йилда «Челси»дан 30 миллион евро эвазига «Наполи»га ўтган эди. Жорий мавсумда бельгиялик футболчи неаполитанликлар сафида барча турнирларда 7 та ўйин ўтказиб, 1 та гол урди. Transfermarkt портали Лукакунинг қийматини 12 миллион еврога баҳоламоқда.
