Hujumchi Romelu Lukaku katta ehtimol bilan shu yozda «Napoli»ni tark etadi. Nikolo Skira bergan ma’lumotlarga ko‘ra, forvard Jahon chempionati yakunlanganidan keyin Neapol klubidan ketadi.
«Napoli» belgiyalik futbolchining sotuvidan 10 million yevro ishlab olmoqchi. Turkiya va Saudiya Arabistonining ba’zi jamoalari hujumchini o‘z safiga qo‘shib olishga qiziqish bildirmoqda.
Lukakuning «Napoli» bilan shartnomasi 2027 yilning 30 iyuniga qadar mo‘ljallangan, uning maoshi esa bir mavsum uchun 8 million yevroni tashkil etadi.
Romelu Lukaku 2024 yilda «Chelsi»dan 30 million yevro evaziga «Napoli»ga o‘tgan edi. Joriy mavsumda belgiyalik futbolchi neapolitanliklar safida barcha turnirlarda 7 ta o‘yin o‘tkazib, 1 ta gol urdi. Transfermarkt portali Lukakuning qiymatini 12 million yevroga baholamoqda.
