Мадриднинг «Реал» клуби ярим ҳимоячиси Орельен Тчуамени «Эспаньол»га қарши баҳсда жамоадоши Винисиус Жуниорнинг кўрсатган ўйини ҳақида ўз фикрини билдирди. Бразилиялик ҳужумчининг дубли «қаймоқранглилар»га 2:0 ҳисобидаги ғалабани тақдим этди.

«Винисиус жуда яхши ўйин ўтказди. У мана шундай даража намойиш этса, биз учун ғалаба қозониш анча осонлашади. Унинг ўйини мени жуда хурсанд қилди», — деди Тчуамени ўйиндан кейинги интервьюсида.

25 ёшли ҳужумчи Ла Лиганинг жорий мавсумида ўз ҳисобига 15 та гол ва 5 та голли узатмани ёздириб қўйди. Навбатдаги турда Альваро Арбелоа шогирдлари сафарда «Барселона»га қарши майдонга тушишади. «Эл-Класико» 10 май куни бўлиб ўтади.