«Барселона» клуби «Камп Ноу» стадионининг сиғими кенгайтирилиши шарофати билан қўшимча даромад олишни бошлайди.
Cadena SER нашрининг Què t’hi Jugues дастурига таяниб хабар беришича, стадионнинг учинчи яруси қуриб битказилгач, «Барселона» уй аренасининг максимал сиғими 105 000 томошабинга етади. Бу эса клубга йилига тахминан 80 миллион еврогача қўшимча маблағ олиб келиши кутилмоқда. Қайд этилишича, стадионнинг учинчи қаватида VIP-ложалар ҳам жойлаштирилади.
Умумий ҳисобда, «Барселона» «Камп Ноу» реконструкциясидан сўнг даромадларини 350 миллион еврога оширишни режалаштирган. Арена келаси мавсум охиригача тўлиқ сиғимда ишлай бошлаши кутилмоқда, бироқ янгиланган стадион 2028 йилдан эрта бўлмаган муддатда тўлиқ ҳажмда фойда келтира бошлайди.
