Лондоннинг «Арсенал» клуби Чемпионлар лигаси ярим финал босқичи доирасида Мадриднинг «Атлетико» жамоасига қарши бўладиган жавоб учрашувига тайёргарлик кўрмоқда. Микель Артета шогирдларининг Испания клуби билан баҳси 5 май куни Тошкент вақти билан соат 00:00 да бошланади.
Football London нашрининг хабар беришича, жамоанинг сўнгги машғулотларида Кай Хаверц ва Мартин Эдегор иштирок этмаган. Катта эҳтимол билан улар эртанги ўйинда майдонга туша олишмайди.
Аввалроқ Артета Хаверц ва Эдегорнинг Чемпионлар лигаси баҳсигача соғайиб кетишига умид билдирган эди. Шунингдек, тикланиш жараёни мавсум охиригача давом этиши кутилаётган Микель Мерино ва Юррьен Тимбер ҳам ушбу учрашувни ўтказиб юборишини қўшимча қилиш лозим.
