«Кристал Пэлас» клубида Оливер Гласнернинг ўрнини ким эгаллаши мумкинлиги ойдинлашмоқда.

Football Insider нашри тарқатган маълумотларга кўра, шу ёзда «Борнмут»ни тарк этишга қарор қилган таниқли испаниялик мутахассис Андони Ираола «бўрилар» бошқаруви учун асосий номзод бўлиб турибди.

Қайд этилишича, 43 ёшли Ираолага «Челси» ҳам даъвогарлик қилмоқда. Шу сабабли «Кристал Пэлас» лондонлик қўшниларини ортда қолдириб, мураббийни ўз томонига оғдириб олишга ҳаракат қилмоқда.

Маълумот учун, Андони Ираола 2023 йилнинг июль ойида «Борнмут» жиловини ўз қўлига олган эди. Ушбу давр мобайнида у барча мусобақаларда жамоани 124 та ўйинда майдонга бошлаб тушиб, 47 та ғалаба қайд этди (36 дуранг ва 41 мағлубият). Ҳозирда унинг жамоаси АПЛ 35-туридан сўнг 52 очко билан турнир жадвалида 6-ўринни эгаллаб турибди.