«Kristal Pelas» klubida Oliver Glasnerning o‘rnini kim egallashi mumkinligi oydinlashmoqda.
Football Insider nashri tarqatgan ma’lumotlarga ko‘ra, shu yozda «Bornmut»ni tark etishga qaror qilgan taniqli ispaniyalik mutaxassis Andoni Iraola «bo‘rilar» boshqaruvi uchun asosiy nomzod bo‘lib turibdi.
Qayd etilishicha, 43 yoshli Iraolaga «Chelsi» ham da’vogarlik qilmoqda. Shu sababli «Kristal Pelas» londonlik qo‘shnilarini ortda qoldirib, murabbiyni o‘z tomoniga og‘dirib olishga harakat qilmoqda.
Ma’lumot uchun, Andoni Iraola 2023 yilning iyul oyida «Bornmut» jilovini o‘z qo‘liga olgan edi. Ushbu davr mobaynida u barcha musobaqalarda jamoani 124 ta o‘yinda maydonga boshlab tushib, 47 ta g‘alaba qayd etdi (36 durang va 41 mag‘lubiyat). Hozirda uning jamoasi APL 35-turidan so‘ng 52 ochko bilan turnir jadvalida 6-o‘rinni egallab turibdi.
