Лондоннинг «Арсенал» клуби бош мураббийи Микель Артета таркиб борасидаги янгилик билан жамоа мухлисларини хушнуд этди. 5 май куни «тўпчилар» Чемпионлар лигаси ярим финали доирасида Мадриднинг «Атлетико» клубига қарши жавоб учрашувини ўтказишади.
Кай Хаверц ва Мартин Эдегор жароҳатларидан соғайиб, ўйинга тайёр ҳолатга келишди. Аввалроқ ушбу футболчилар жамоанинг сўнгги машғулотларини ўтказиб юборишгани хабар қилинган эди.
«Бу жуда яхши, чунки бизда танлов имконияти бўлиши керак. Бизга ўйинни турли услубларда — илк дақиқалардан ёки учрашув давомида ўзгартирган ҳолда ўтказиш қобилияти зарур. Уларнинг иккиси ҳам сафга қайтгани ҳақиқатан ҳам жуда ажойиб хабар», — деди Артета ўйин олдидан ўтказилган матбуот анжуманида.
