«Манчестер Сити» ярим ҳимоячиси Райан Шерки Англия чемпионатида навбатдаги ассистини амалга оширди.
АПЛнинг 35-тури доирасида «шаҳарликлар» сафарда «Эвертон»га қарши баҳс олиб боришди (3:3). Француз футболчиси учрашувнинг 43-дақиқасида Жереми Доку томонидан киритилган голга ҳаммуаллифлик қилди.
Бу Шерки учун Премьер-лиганинг 29 та ўйинидаги 11-голли узатма бўлди. У айни дамда лиганинг энг яхши ассистентлари пойгасида «Манчестер Юнайтед» аъзоси Бруну Фернандешдан (19 та узатма) кейин 2-ўринни эгаллаб турибди.
Бундан ташқари, Райан дебют мавсумида очиқ ўйиндан (стандарт вазиятлардан ташқари) 10 та голли узатма чегарасига етган АПЛдаги биринчи футболчига айланди. Охирги марта бундай натижани 2012/13 йилги мавсумда Эден Азар («Челси» сафида 11 та узатма) қайд этган эди.
