«Манчестер Сити» ярим ҳимоячиси Бернарду Силва «Эвертон»га қарши сафар ўйинида очко йўқотилганидан сўнг ўз фикрларини билдирди. Англия чемпионатининг 35-туридан ўрин олган мазкур баҳс 3:3 ҳисобидаги дуранг билан якунланди.
«Албатта, биз ҳар доимгидек охиригача курашамиз. Премьер-лигада бу каби ўйинлар бизни анча мураккаб аҳволга солиб қўяди. Лекин ким билади дейсиз? Футболда ҳар қандай воқеа содир бўлиши мумкин», — дея Силванинг сўзларидан иқтибос келтирмоқда журналист Фабрицио Романо.
Ушбу дуранг сабабли «Манчестер Сити»нинг пешқадам «Арсенал»дан ортда қолиши беш очкога етди. Шуни таъкидлаш жоизки, Хосеп Гвардиола шогирдлари ихтиёрида ҳали заҳира ўйини мавжуд. Кейинги, 36-турда «Манчестер Сити» ўз уйида «Брентфорд»ни қабул қилса, «Арсенал» сафарда «Вест Хэм» меҳмони бўлади.
