Грузиялик ҳужумчи Хвича Кварацхелия келаси мавсумда ҳам Франция пойтахтида қоладиган бўлди. Бу ҳақда машҳур инсайдер Фабрицио Романо хабар бермоқда.
Манбага кўра, «ПСЖ» раҳбарияти Кварацхелияни жамоа таркибининг ажралмас ва асосий қисми деб ҳисоблайди. Клуб футболчига «дахлсиз» мақомини берган ва унинг трансфери бўйича ҳар қандай таклифни рад этмоқда.
Қайд этилишича, парижликлар бошқа клублар билан Хвича бўйича музокаралар столига ўтириш ниятида эмас. «ПСЖ» лойиҳасининг келажаги айнан грузиялик иқтидор эгаси атрофида қурилиши режалаштирилган.
