Мюнхеннинг «Бавария» клуби бошқарув кенгаши аъзоси Ули Хёнесс «ПСЖ» қанот ҳимоячиси Ашраф Ҳакимийнинг трансфери борасидаги фикрлари билан ўртоқлашди. Бу ҳақда DAZN хабар бермоқда.

Мюнхенликлар функционери парижликлар аъзоси жамоа ўйинига мос келишини таъкидлаган.

«Ашраф Ҳакимий? Биз уни тезкорлик билан жамоага олиб келган бўлардик, чунки у бизнинг услубимизга жуда мос тушади», — деди Хёнесс.

Маълумот учун, 27 ёшли Ҳакимий жорий мавсумда барча мусобақалар доирасида 31 та учрашувда майдонга тушиб, 3 та гол ва 9 та голли узатмага муаллифлик қилди. Унинг «ПСЖ» билан амалдаги шартномаси 2029 йилнинг ёзига қадар мўлжалланган.

Transfermarkt портали марокашлик футболчининг трансфер қийматини 80 миллион еврога баҳолаган.