Мадриднинг «Реал» клуби ҳимоячиси Антонио Рюдигер машғулот базасида жамоадошларидан бири билан жанжал содир этди. Бу ҳақда The Athletic нашри хабар бермоқда.

Манба берган маълумотга кўра, воқеа шу йилнинг апрель ойида клубнинг машғулотлар базасидаги кийиниш хонасида юз берган. Германиялик футболчи асосий таркиб аъзоларидан бири билан айтишиб қолган ва можаро ташаббускори сифатида айнан Рюдигер кўрсатилмоқда.

Кейинчалик ҳимоячи ўз хулқ-атвори учун жамоадан узр сўраган. Вазиятни юмшатиш ва ички муҳитни тиклаш мақсадида, ўтган жума куни Рюдигер жамоадошлари ва уларнинг оила аъзолари учун тушлик ташкил қилган.