«Атлетико» бош мураббийи Диего Симеоне Чемпионлар лигаси ярим финалининг жавоб учрашувида «Арсенал»дан қабул қилинган мағлубиятдан (0:1) сўнг Лондон жамоасини финалга чиққани билан табриклади.
«Арсенал»ни табриклайман, улар бунга лойиқ эдилар, чунки кўп йиллардан бери финалга чиқиш учун курашиб келишаётганди. Микель Артета ишониб бўлмас даражадаги ишни амалга оширди, шу боис мен улар учун хурсандман», — дея Симеоненинг сўзларини келтиради BBC.
Икки ўйин натижасига кўра (биринчи ўйин — 1:1) «Арсенал» Чемпионлар лигаси финалига йўл олди. У ерда лондонликлар «ПСЖ» — «Бавария» жуфтлиги (биринчи ўйин — 5:4) ғолиби билан тўқнаш келишади. Финал баҳси 30 май куни Будапештдаги «Ференц Пушкаш» стадионида бўлиб ўтади.
