«Арсенал» клубининг собиқ ҳужумчиси Тьерри Анри Букайо Саканинг ҳаракатларига юқори баҳо берди. Эслатиб ўтамиз, айнан Саканинг голи жамоага Чемпионлар лигаси финали йўлланмасини тақдим этди. 24 ёшли вингер «Атлетико» Мадридга қарши кечган ярим финал жавоб учрашувида ягона гол муаллифи бўлди. «Канонирлар» икки ўйин натижасига кўра 2:1 ҳисобида ғалаба қозонишди.
«Бутун мавсум давомида унга шубҳа билан қарашди. Мен Букайо ахилл пайидаги жароҳат билан қийналаётганини биламан. У бугунги ўйинга деярли машғулотларсиз чиқди. Мен у билан аввалроқ гаплашганимда, у шундай деганди: «Мен «Фулхэм»га қарши майдонга тушишим керак — бу ҳаёт-мамот ўйини», — деди Анри CBS Sports студиясида.
