«ПСЖ» вингери Брэдли Баркола яна «Ливерпуль» назарига тушди. «Қизиллар» ўтган йили ҳам франциялик футболчига даъвогарлик қилишган эди ва эндиликда уни сотиб олиш имкониятини яна жиддий кўриб чиқишмоқда.

Журналист Доминик Кингнинг маълумотларига кўра, мерсисайдликлар раҳбарияти парижликларнинг 23 ёшли футболчисини мавсумлар оралиғида жамоани тарк этиш эҳтимоли юқори бўлган Федерико Кьезага асосий ўринбосар сифатида кўрмоқда.

Transfermarkt портали Брэдли Барколянинг бозор қийматини 70 миллион еврога баҳоламоқда. Жорий мавсумда футболчи Луис Энрике қўл остидаги жамоа сафида барча турнирларда 44 та учрашувда майдонга тушиб, 12 та гол ва 7 та голли узатмани ўз ҳисобига ёздириб қўйди.