«PSJ» vingeri Bredli Barkola yana «Liverpul» nazariga tushdi. «Qizillar» o‘tgan yili ham fransiyalik futbolchiga da’vogarlik qilishgan edi va endilikda uni sotib olish imkoniyatini yana jiddiy ko‘rib chiqishmoqda.

Jurnalist Dominik Kingning ma’lumotlariga ko‘ra, mersisaydliklar rahbariyati parijliklarning 23 yoshli futbolchisini mavsumlar oralig‘ida jamoani tark etish ehtimoli yuqori bo‘lgan Federiko Kyezaga asosiy o‘rinbosar sifatida ko‘rmoqda.

Transfermarkt portali Bredli Barkolyaning bozor qiymatini 70 million yevroga baholamoqda. Joriy mavsumda futbolchi Luis Enrike qo‘l ostidagi jamoa safida barcha turnirlarda 44 ta uchrashuvda maydonga tushib, 12 ta gol va 7 ta golli uzatmani o‘z hisobiga yozdirib qo‘ydi.