Мадрид мэри ва «Атлетико»нинг ашаддий мухлиси Хосе Луис Мартинес-Альмейда «матрасчилар»нинг Чемпионлар лигасидан чиқиб кетгани ҳақида гапирди.

Диего Симеоне жамоаси ярим финалнинг жавоб учрашувида «Арсенал»га имкониятни бой берди (0:1, биринчи ўйин – 1:1).

«Қуръа натижаларини кўрганимда, бизга рақиб сифатида «Арсенал» тушди деб ўйлагандим, лекин адашган эканман — бизга рақиб бўлиб УЕФА тушибди. УЕФА «Атлетико»ни Чемпионлар лигаси финалида кўришни истамаётганини очиқ-ойдин намойиш этди.

Испания ва Германия Чемпионлар лигасига 5 та жамоа чиқариш ҳуқуқи учун курашаётган бир пайтда, ўйинга германиялик ҳакамнинг тайинланишини ақлга сиғдириб бўлмайди», — деди Мартинес-Альмейда.

Эслатиб ўтамиз, учрашувнинг бош ҳаками германиялик Даниэль Зиберт эди. «Атлетико» вакиллари ўйин давомида белгиланмаган пенальтилар ва ҳакамлик қарорларидан норози бўлишган.