"Тоттенхэм" яримҳимоячиси Гарет Бэйл Мадриднинг "Реал" клуби билан шахсий шартномаси борасида келишувга эришди, дея хабар беради BBC.
Энди футболчи учун фақат клубларнинг келишиб олишини кутиш қолди холос.
Шартнома борасида музокаралар бир неча кунга чўзилганига қарамай, бу фақат расмиятчилик учун бўлиб ўтди, дея қайд этади манба.
ВВС келишув шартлари қандай бўлгани борасида маълумот бермаган.
Трансфер амалга ошиши маълум бўлиб улгурган бўлсада, тўланиши зарур бўлган якуний сумма ва уни тўлаш тартиби борасида томонлар ҳали бир тўхтамга келганларича йўқ.
