«Пари Сен-Жермен» Мюнхенда «Бавария» билан дуранг ўйнаб (1:1), Чемпионлар лигасининг иккинчи финалчисига айланди. Парижликлар ўз майдонларидаги 5:4 ҳисобидаги ғалаба эвазига умумий 6:5 ҳисобида устун келишди. Финалда Франция гранди лондоннинг «Арсенал» жамоасига қарши баҳс олиб боради («канонирлар» «Атлетико»ни икки ўйин натижасига кўра 2:1 ҳисобида мағлуб этган).

Шундай қилиб, кубок учун кечадиган ҳал қилувчи баҳсда икки испаниялик мураббий — Луис Энрике ва Микель Артета тўқнаш келишади. Opta маълумотларига кўра, бу Чемпионлар лигаси тарихида ватандош мураббийлар финалда ўзаро рўбару келаётган тўртинчи ҳолатдир. 2003 йилда дунё италиялик Марчелло Липпи ва Карло Анчелотти дуэлига гувоҳ бўлган бўлса, 2013 ва 2020 йилларда кубок немис мутахассислари ўртасида ўйналган: аввалига Юпп Хайнкес Юрген Клоппга қарши, кейин эса Ханс-Дитер Флик Томас Тухелга қарши.

Жорий мавсум финали 30 май куни бўлиб ўтади.