Opta мутахассислари Чемпионлар лигаси якуни бўйича суперкомпьютер ҳисоб-китобларини янгилашди. Турнирда фақат икки жамоа қолди — «ПСЖ» ва «Арсенал» финал йўлланмасини қўлга киритди.

Ҳисоб-китоблар шуни кўрсатдики, «Арсенал» Чемпионлар лигаси финалининг фаворити ҳисобланади. «Канонирлар»нинг кубокни қўлга киритиш имконияти 56% га баҳоланмоқда. «ПСЖ»нинг имкониятлари бироз пастроқ — 44%.

Таъкидлаш жоизки, «Арсенал» ҳали бирор марта Чемпионлар лигасида ғолиб чиқмаган. 2006 йилда лондонликлар финалга қадар етиб бориб, «Барселона» дарвозасига биринчи бўлиб гол уришганди, бироқ якунда каталонияликлар 2:1 ҳисобида зафар қучишган. «ПСЖ» эса аввал икки бор ЕЧЛ финалида ўйнаган: 2020 йилда «Бавария»дан мағлубият (0:1) қабул қилинган бўлса, 2025 йилда «Интер» устидан йирик (5:0) ғалабага эришилган.