Opta mutaxassislari Chempionlar ligasi yakuni bo‘yicha superkompyuter hisob-kitoblarini yangilashdi. Turnirda faqat ikki jamoa qoldi — «PSJ» va «Arsenal» final yo‘llanmasini qo‘lga kiritdi.
Hisob-kitoblar shuni ko‘rsatdiki, «Arsenal» Chempionlar ligasi finalining favoriti hisoblanadi. «Kanonirlar»ning kubokni qo‘lga kiritish imkoniyati 56% ga baholanmoqda. «PSJ»ning imkoniyatlari biroz pastroq — 44%.
Ta’kidlash joizki, «Arsenal» hali biror marta Chempionlar ligasida g‘olib chiqmagan. 2006 yilda londonliklar finalga qadar yetib borib, «Barselona» darvozasiga birinchi bo‘lib gol urishgandi, biroq yakunda kataloniyaliklar 2:1 hisobida zafar quchishgan. «PSJ» esa avval ikki bor YECHL finalida o‘ynagan: 2020 yilda «Bavariya»dan mag‘lubiyat (0:1) qabul qilingan bo‘lsa, 2025 yilda «Inter» ustidan yirik (5:0) g‘alabaga erishilgan.
