«ПСЖ» бош мураббийи Луис Энрике Чемпионлар лигаси доирасида сафарда «Бавария» билан қайд этилган дурангдан (1:1) сўнг ўз фикрларини билдирди. Парижликлар икки ўйин натижасига кўра 6:5 ҳисобида ғалаба қозониб, финал йўлланмасини қўлга киритишди.

«Бу ажойиб хотира бўлиб қолади. Ўйин жуда шиддатли ўтди. Ҳимоямиз ҳужумдан кўра яхшироқ ҳаракат қилди. «Бавария» каби жамоага қарши баҳсда кўрсатган характеримиз — бу жуда ижобий ҳолат. Кетма-кет иккинчи бор Чемпионлар лигаси финалига чиққанимиздан бахтиёрмиз.

Жуда қийин бўлди. «Бавария» юқори даражада ўйнайди. Иккала жамоа ҳам бир-бирига ўхшаш, биз юқори прессингни яхши кўрамиз. Натижадан жуда мамнунмиз. Икки кундан кейин туғилган куним. Мен бахтлиман. Финалга чиқдик ва энди мухлисларимизга ҳақиқий совға тақдим этмоқчимиз», — дея Энрикенинг сўзларини келтирмоқда BBC.

Эслатиб ўтамиз, «ПСЖ» 30 май куни ЕЧЛ финалида «Арсенал»га қарши майдонга тушади.