Франциянинг «ПСЖ» клуби собиқ дарвозабони Жером Алонзо Матвей Сафоновнинг Чемпионлар лигасидаги ўйини ҳақида ўз фикрларини билдирди. Алонзо Сафоновнинг катта ўйинлардаги ҳаракатлари уни ҳайрон қолдирганини тан олди, чунки россиялик посбонда илгари бундай тажриба бўлмаган.

«Ҳозирда у жуда диққатли, жасур, ўзига ишонган ва ҳимоячилар билан алоқани яхши йўлга қўйган», — дея Алонзонинг сўзларидан иқтибос келтирмоқда «Спорт-Экспресс».

Чемпионлар лигаси ярим финалида «ПСЖ» «Бавария»ни мусобақадан чиқариб юбориб, финалга йўл олди. Ҳал қилувчи баҳсда парижликлар Лондоннинг «Арсенал» жамоаси билан тўқнаш келишади.

Жорий мавсумда 27 ёшли Сафонов барча турнирларда 24 та ўйин ўтказиб, 25 та гол ўтказиб юборди ва 11 та учрашувда ўз дарвозаси дахлсизлигини сақлаб қолди. Сафоновнинг «ПСЖ» билан шартномаси 2029 йилнинг ўрталаригача мўлжалланган.