«Бавария»нинг собиқ футболчиси Ивица Олич Чемпионлар лигаси ярим финалидан ўрин олган Мюнхен клуби ва «ПСЖ» ўртасидаги жавоб учрашуви (1:1) якунлари бўйича ўз фикрларини билдирди. Икки ўйин натижасига кўра (6:5), парижликлар финалга йўл олишди.

«Бугун «Бавария» жамоасини кўрдим, албатта, мағлубиятдан кейин кайфият яхши эмас. Бу табиий ҳол. Кеча катта ўйин, ажойиб оқшом бўлди. Мен ўша ерда эдим ва шуни айтишим керакки, «ПСЖ» «Бавария»дан бироз кучлироқ кўринди ва ҳақли равишда финалга чиқди. Парижликлар ҳимояда аъло даражада ўйнашди, бу улар учун одатий ҳол эмас.

«Бавария»да деярли вазият бўлмади — улар ҳар ўйинда камида 10 та имконият яратишарди, лекин кеча буни уддалай олишмади. «ПСЖ» эса биринчи қарши ҳужумдаёқ гол урди. Мени «ПСЖ»да ҳамманинг — Квара, Дембеле ва бошқаларнинг ҳимояда қандай ишлагани ҳайрон қолдирди.

Мухлислар Париждаги каби кўп голли ўйин кутишганди. Лекин кеча энг муҳими финалга чиқиш эди. «ПСЖ» ва «Бавария» бу мавсумда дунёдаги энг яхши футболни ўйнашмоқда, аммо энг асосий баҳсда бир жамоа кучлироқ бўлиб чиқди», — деди Олич «Чемпионат» мухбири билан суҳбатда.