Саудия Про-лигасининг 2025/2026 йилги мавсуми 33-туридан ўрин олган «Аш-Шабоб» ва «Ан-Наср» жамоалари ўртасидаги учрашув якунланди. Жамоалар Ар-Риёддаги «Аш-Шабоб — Принц Халид бин Султон» стадионида баҳс олиб боришди. Унда меҳмонлар 4:2 ҳисобида ғалаба қозонишди.

Ўйиннинг 3-дақиқасида меҳмонлар ҳужумчиси Жоау Феликс ҳисобни очди. 10-дақиқада эса Феликс дублни расмийлаштирди. 30-дақиқада мезбонлар форварди Янник Карраско битта жавоб тўпини киритди. Иккинчи бўлимнинг 75-дақиқасида Криштиану Роналду «Ан-Наср»нинг учинчи голига муаллифлик қилди. 80-дақиқада Али Ал-Булайхи «Аш-Шабоб»нинг иккинчи голини урди. Учрашув якунида, 90+8-дақиқада Жоау Феликс пенальтини аниқ амалга ошириб, хет-трик қайд этди.

Қайд этиш жоизки, Криштиану Роналду фаолиятидаги 971-голини урди.

«Ан-Наср» Саудия Арабистони чемпионати турнир жадвалида пешқадамликни давом эттирмоқда. Жамоа 32 ўйинда 82 очко жамғарган. Иккинчи ўринда бораётган ва захирасида битта ўйини бор «Ал-Ҳилол» билан фарқ 5 очкони ташкил этмоқда. «Аш-Шабоб» эса 32 очко билан 13-ўринда бормоқда.