7 май куни «Ан-Наср» Саудия Про-лигаси 33-тури доирасида меҳмонда «Аш-Шабаб»ни 4:2 ҳисобида мағлуб этди. Ушбу баҳсда меҳмонлар сафидаги голлардан бирига португалиялик ҳужумчи Криштиану Роналду муаллифлик қилди.

«Аш-Шабаб» дарвозасига киритилган гол нафақат жамоасининг ғалабасига ҳисса қўшди, балки Роналдуга «Ан-Наср» сафидаги 100-голини уриш имконини ҳам берди. У бу натижага атиги 105 та учрашувда эришди. Шунингдек, унинг ҳисобида 18 та голли узатма ҳам бор.

Бундан ташқари, Роналду футбол тарихида тўртта турли лигада 100 тадан гол урган илк футболчига айланди. У аввалроқ «Манчестер Юнайтед» билан Англия Премьер-лигасида, «Реал» билан Ла Лигада, «Ювентус» билан А Серияда, энди эса «Ан-Наср» билан Саудия чемпионатида ушбу маррага етди.

Ҳозирда футболчининг ҳисобида 971 та гол мавжуд. Португалиялик юлдуз фаолияти давомида 1000 та голлик маррага етган илк футболчи бўлиши мумкин.