7 may kuni «An-Nasr» Saudiya Pro-ligasi 33-turi doirasida mehmonda «Ash-SHabab»ni 4:2 hisobida mag‘lub etdi. Ushbu bahsda mehmonlar safidagi gollardan biriga portugaliyalik hujumchi Krishtianu Ronaldu mualliflik qildi.

«Ash-SHabab» darvozasiga kiritilgan gol nafaqat jamoasining g‘alabasiga hissa qo‘shdi, balki Ronalduga «An-Nasr» safidagi 100-golini urish imkonini ham berdi. U bu natijaga atigi 105 ta uchrashuvda erishdi. Shuningdek, uning hisobida 18 ta golli uzatma ham bor.

Bundan tashqari, Ronaldu futbol tarixida to‘rtta turli ligada 100 tadan gol urgan ilk futbolchiga aylandi. U avvalroq «Manchester Yunayted» bilan Angliya Premyer-ligasida, «Real» bilan La Ligada, «Yuventus» bilan A Seriyada, endi esa «An-Nasr» bilan Saudiya chempionatida ushbu marraga yetdi.

Hozirda futbolchining hisobida 971 ta gol mavjud. Portugaliyalik yulduz faoliyati davomida 1000 ta gollik marraga yetgan ilk futbolchi bo‘lishi mumkin.