Италиянинг «Милан» ва Каталониянинг «Барселона» клублари собиқ аъзоси Херард Делофеу футболчилик фаолиятини якунлашга яқин турибди.
Аслини олганда, Делофеу 2023 йилда олган оғир жароҳати — тизза боғламларининг узилишидан сўнг майдонда кўриниш бермаган эди. Гарчи жароҳат даволанган бўлса-да, ўтган уч йил ичида футболчи майдонга қайтишга қарор қила олмади. Эндиликда у фаолиятини расман якунлаш ҳақида ўйламоқда, деб хабар бермоқда pianetamilan.it нашри.
Эслатиб ўтамиз, Делофеу «Барселона»да фаолиятининг бошида (2011–2015 йилларда) тўп тепган, кейинчалик «Милан»даги қисқа муддатли иштирокидан сўнг 2017/2018 йилги мавсумда яна Каталония клубига қайтган эди.
