Italiyaning «Milan» va Kataloniyaning «Barselona» klublari sobiq a’zosi Xerard Delofeu futbolchilik faoliyatini yakunlashga yaqin turibdi.
Aslini olganda, Delofeu 2023 yilda olgan og‘ir jarohati — tizza bog‘lamlarining uzilishidan so‘ng maydonda ko‘rinish bermagan edi. Garchi jarohat davolangan bo‘lsa-da, o‘tgan uch yil ichida futbolchi maydonga qaytishga qaror qila olmadi. Endilikda u faoliyatini rasman yakunlash haqida o‘ylamoqda, deb xabar bermoqda pianetamilan.it nashri.
Eslatib o‘tamiz, Delofeu «Barselona»da faoliyatining boshida (2011–2015 yillarda) to‘p tepgan, keyinchalik «Milan»dagi qisqa muddatli ishtirokidan so‘ng 2017/2018 yilgi mavsumda yana Kataloniya klubiga qaytgan edi.
