«Челси» ҳимоячиси Марк Кукурелья фаолиятини яна Испания чемпионатида давом эттириши мумкин. Diario AS нашрининг хабар беришича, 27 ёшли футболчига Мадриднинг «Атлетико» клуби жиддий қизиқиш билдирмоқда.
Мадридликлар испаниялик ҳимоячининг трансфери учун Лондон клубига 50 миллион евро миқдорида таклиф юборишга тайёрланмоқда. Ҳозирча «Челси» раҳбарияти ўз асосий таркиб ўйинчиларидан бирини қўйиб юборишга тайёр ёки тайёр эмаслиги бўйича якуний қарорга келгани йўқ.
Маълумот учун, Марк Кукурелья 2022 йилда «Брайтон»дан 65 миллион евро эвазига «аристократлар» сафига келиб қўшилган эди. Унинг «кўклар» билан амалдаги шартномаси 2028 йилнинг ёзига қадар мўлжалланган.
Жорий мавсумда ҳимоячи «Челси» либосида барча мусобақаларда 47 та ўйинда иштирок этиб, битта гол ва 4 та голли узатмага муаллифлик қилди. Transfermarkt портали футболчининг айни дамдаги бозор қийматини 50 миллион еврога баҳолаган.
