"Интер Майами" ҳужумчиси Лионель Месси МЛС доирасида "Торонто" устидан қозонилган ғалаба (4:2) ҳақида ўз фикрларини билдирди.
"Қийин ўйин бўлди, айниқса биринчи бўлимда ўйнаш осон кечмади. Бироқ биз муҳим ғалабани қўлга кирита олдик. Охирги натижаларимизни инобатга олсак, бизга бу ғалаба жуда зарур эди", — деди Месси.
Эслатиб ўтамиз, аввалги турда "Интер Майами" "Орландо"га қарши баҳсда 3:0 ҳисобида олдинда бориб, якунда 3:4 ҳисобида имкониятни бой берган эди.
Ушбу учрашувда Месси битта гол урди ва иккита голли узатмани амалга оширди. 12-турдан сўнг "Интер Майами" Шарқий конференцияда 3-ўринни эгаллаб турибди.
