Миразиз Мирзааҳмедов бошчилигидаги Ўзбекистон ўсмирлар (U-15) терма жамоаси УEФА томонидан ташкил этилган "Ривожланиш кубоги" (Development Cup) турнири доирасида Грузия вакилларига қарши майдонга тушди.

Ушбу баҳснинг асосий вақти 1:1 ҳисобидаги дуранг билан якунланди. Ҳамюртларимиз сафида ягона гол муаллифи Фарзод Собиржонов бўлди. Мусобақа регламентига кўра, ғолибни аниқлаш учун пенальтилар сериясига мурожаат қилинди. "Лотереялар" баҳсида омад грузиялик футболчиларга кулиб боқди — 4:5.

УEФА "Ривожланиш кубоги"

Ўзбекистон — Грузия — 1:1 (пенальтилар серияси: 4:5)

Гол: Фарзод Собиржонов.

Ўзбекистон терма жамоасининг асосий таркиби: Даниел Тараев, Абдуворис Қудратов, Илҳом Мирзаев, Камронбек Қаҳрамонов (С), Муҳаммадали Лутфуллаев, Абдуллоҳ Бахтиёров, Фирдавс Тўхтабоев, Рустам Абдураимов, Афруз Эрназаров, Роман Айзаттулов, Миржалол Миродилов.

Захирадан майдонга тушганлар: Сиддиқов, Собиржонов, Мирзоҳидов, Фармонов, Аҳматиллаев, Пўлатов, Мухторжонов, Ҳасанбоев.