Англия Премьер-лигаси доирасида кечаётган "Вест Хэм"га қарши учрашувда "Арсенал" ҳимоячиси Бен Уайт жароҳат олди ва биринчи бўлимни охиригача етказа олмади.
Ўйиннинг 24-дақиқасида қанотда тўп учун кураш кетаётган вазиятда 28 ёшли футболчи ўнг тиззасидан шикастланди. Клуб тиббий штаби билан маслаҳатлашгандан сўнг, ҳимоячи баҳсни давом эттира олмаслиги маълум бўлди ва майдонни тарк этди. Унинг ўрнига Мартин Субименди захирадан ўйинга қўшилди.
Маълумот учун, ушбу баҳс Бен Уайт учун Англия чемпионатининг жорий мавсумидаги 12-учрашуви эди. Футболчининг жароҳати қай даражада жиддий экани ва майдонга қачон қайтиши тез орада ўтказиладиган тиббий текширувлардан сўнг аниқланади.













