«Ливерпуль» «Ювентус» дарвозабони Микеле Ди Грегорио билан қизиқиш билдирмоқда. Бу ҳақда Экрем Конур хабар берди.

Маълум қилинишича, «қизиллар» Алиссонга ўринбосар изламоқда ва «кекса синьора» дарвозабони номзодлар орасида.

Шунингдек, Ди Грегорио учун Англия Премьер-лигасидан «Тоттенҳэм» ва «Ньюкасл» ҳам кураш олиб бормоқда.

Манбанинг маълумотига кўра, «ҳаккалар» аллақачон «Ювентус» билан алоқа ўрнатган.

Жорий мавсумда Микеле Ди Грегорио «Ювентус» сафида 36 та ўйинда майдонга тушди, 34 та гол ўтказди.