«Барселона» ва Испания терма жамоаси ярим ҳимоячиси Гави бўлажак жаҳон чемпионатининг асосий фаворити ким эканлигини айтди. 21 ёшли футболчи мундиалга амалдаги ғолиб сифатида ташриф буюрадиган Аргентина терма жамоасини алоҳида кўрсатиб ўтди.
«Аргентина терма жамоаси — асосий фаворит, чунки улар амалдаги чемпион ҳисобланади. Лео Месси ҳамон дунёнинг энг яхши ўйинчиси бўлиб қолмоқда. У ўйнар экан, Аргентина энг зўри бўлиб қолаверади», — дея якшанба куни «Барселона» таркибида Ла Лига ғолибига айланган Гавининг сўзларини келтиради The Touchline нашри.
