«Barselona» va Ispaniya terma jamoasi yarim himoyachisi Gavi bo‘lajak jahon chempionatining asosiy favoriti kim ekanligini aytdi. 21 yoshli futbolchi mundialga amaldagi g‘olib sifatida tashrif buyuradigan Argentina terma jamoasini alohida ko‘rsatib o‘tdi.
«Argentina terma jamoasi — asosiy favorit, chunki ular amaldagi chempion hisoblanadi. Leo Messi hamon dunyoning eng yaxshi o‘yinchisi bo‘lib qolmoqda. U o‘ynar ekan, Argentina eng zo‘ri bo‘lib qolaveradi», — deya yakshanba kuni «Barselona» tarkibida La Liga g‘olibiga aylangan Gavining so‘zlarini keltiradi The Touchline nashri.
