«Милан» ҳужумчиси Рафаэл Леау келаётган ёзда сотиб юборилиши мумкин. Португалиялик футболчининг тез орада жамоани тарк этиши тобора ҳақиқатга яқин сценарий бўлиб кўринмоқда: журналист Николо Скиранинг маълумотларига кўра, агар «россонерилар»га ўйинчи учун 50 млн евро таклиф қилинса, улар Леау билан хайрлашишга тайёр. Ҳужумчига бўлган қизиқиш мунтазам равишда Европанинг турли гранд клублари билан боғланса-да, ҳозирча аниқ вариантлар мавжуд эмас.

Рафаэл Леаунинг «Милан» билан шартномаси 2028 йилгача мўлжалланган. Томонлар келишувни узайтириш борасида музокаралар олиб боришди, бироқ бир тўхтамга кела олишмади. Transfermarkt портали 26 ёшли футболчининг қийматини 65 млн еврога баҳоламоқда. Жорий мавсумда Леау Массимилиано Аллегри жамоаси сафида 30 та ўйинда иштирок этиб, 10 та гол ва 3 та голли узатмага муаллифлик қилди.